|
|
|
لكل اللي فاتة حلقة المهندس ابراهيم اسامة و المذيعة سارة عبد الغني في راديو رسالة اتكلم ساعة متواصلة عن كل شي يخص الفن و جاوب ع كل الاسئلة و قال مفاجاة لكل طلبة ورشة في الفديو
|
تعليم رسم البورتريه
|
|
التظليل
|
التسييح
هو تنعيم التظليل قدر الامكان بأدوات كتير . التسييح من وجهة النظر الاكاديمية وخصوصا فى مصر ممنوع والهدف ان الطلبة يعتمدوا على ااقلامهم فقط فى تنعيم التظليل . ولكن لما تتفرج على اعمال فنانين عالمين كتير وتسألهم بيظللوا ازاى يقولولك انهم بيسيحوا بعد التظليل طيب ليه اللغبطة دى ؟ تسيح ولا ماتسيحش ؟ تعالوا نعرف الاول اشهر ادوات التسييح واوفرها وارخصها 1_ القطن الطبى : من اشهر الادوات وارخصها واحسنها بالنسبة للمساحات الكبيرة 2_ سلاكات الاذن القطنية : حلوة جدا فى المساحات الصغيرة ومتوفرة ديما 3_ اسفنجة البدرة المائية : حلوة فى المساحات الكبيرة وخصوصا فى تسييح الالوان الخشب 4 _ اقلام التسييح : فيه منها نوعين النوع الاول بيكون عامل زى ورق التولت ودة اقذر اداه رسم ممكن تستخدمها فى حياتك وسيبك منه اما النوع التانى وهو ناعم جدا ويتوفر منه مقاسات كتير مميزات اقلام التسييح سهله وجيدة الاستخدام فى المساحات الضيقة وعيوبها اثبتت فشلها فى المسااحات الواسعة طيب لما اجيبه والسن يبوظ انظفه ازاى ؟ بسيطة هات صنفرة ونظف السن عليها كدة احنا عرفنا اهم ادوات التسييح طيب نسيح ولا لا ؟! لو فكرت شوية هتلاقى ان الرسم مافيهوش صح وغلط الرسم حرية ولو فيه صح وغلط يبقى الفن التجريدى والتكعيبى اكبر غلط بالنسبة للمدرسة الواقعية اللى هى الاساس دى وجهة نظرى الشخصية ويارب تكونوا استفدتوا من البوست واياكم الاقى حد بيسيح بصباعه هقطعهولك |
بورترية بالرصاص
طريقة رسم اعضاء البورترية
|
|
|
|
|
اسكتش رسم للعين
رسم الشعر
|
ازاى تعمل شعر ابيض ؟
فيه ناس كتير كلمتنى فى الموضوع دة انا هحاول ابسطلكم الموضوع شوية فيه كذا طريقة انك تعمل الشعر الابيض اول طريقة واسهلها ولكن حذارى منها جيب قلم 6h واعمل الشعر الابيض اللى انت عايزه بالقلم دة وبعد كدة امسحى الخطوط وظلل فوقيها او قلم سنون من غير سنون وتشتغل بيه عادى بالسن المعدن (بتحفر فى الورقة ) بالطريقة دى انت حفرت فى الورقة بلاش الطريقة دى عشان سببين السبب الاول انك بتحفر فى الورقة ولو هنفترض ان اماكن الشعر خطأ مش هتعرف تداوى الخطأ دة تانى سبب الطريقة دى مش بتتعمل الا لما يكون الشعر عدده قليل فى الشنب مثلا او فى الحاجب يبقى لازم قبل ما تستخدم الطريقة دى تكون متأكد من اماكن الشعر 100% ثانى طريقة انك تظلل فى اماكن الشعر عادى خالص وبعد كدة _ بأستيكه البطارية او بأستيكة الفحم او فى استيكة نازلة بقالها فترة بس مش مشهورة فى سمير وعلى سنها مدبب وشبه الصابونه ) تقدر تمسح اماكن الشعر ويفضل فى الطريقة دى انك تسيح الرصاص بعد لما تظلل وبعد كدة ابقى امسح اماكن الشعر الابيض ثالث طريقة فيه قلم حبر ابيض دة مش متوفر للأسف فى مصر تقدر انك تشتغل بيه الشعر الابيض فنانين كتير بيعملوا كدة رابع طريقة : تقدر تستخدم فرشة 0 ولون ابيض بوستر وتقدر تفنش الرسمة بيه خامس طريقة : لو بترسم على ورق ابيض واستخدمت قلم باستل او فحم او خشب ابيض مش هيكتب بس لو استخدمت الاقلام دى على ورق ملون تقدر تنزفر الشعر الابيض بكل سهولة طبعا كل طريقة ليها مميزاتها وليها عيوبها مش مهم هتنفز ايه فيهم وايه الخامات المهم انك توصل للى انت عايزه وتكون على الاقل راضى بيه لو عرفت معلومة جديدة تقدر تشير البوست او تعمل منشن لأصحابك |
مسام البشرة
|
#مسام_البشرة
فى قشرة البرتقال هات برتقاله وركز فيها هتلاقى زى ما احنا شافين فى وسط البرتقالة منطقة اضاءة وباقى البرتقالة درجات متقاربه ولكن لساعت الاضاءة قليلة على فكرة بشرة الانسان قربية جدا من قشرة البرتقال فيه بشرة ناعمة جدا والمسام مش ظاهرة وفيه بشرة متوسطة وفيه بشرة بتبقى المسام فيها واضحة جدا طيب المسام دى تتعلم ازاى اقولك انا تعالى اشرح الكلام دة فى البرتقاله وطبق الموضوع على البشرة تعالى نعتبر ان البرتقالة اللى احنا شايفنها دى مافيهاش المسام دى نهائى ومجرد كورة وفيه منطقتين اضاءة فى النص عايزك بقى وانت شغال تعتبر ان مافيش مسام وتظلل عادى جدا وسيب منطقتين اللاضاءة اللى احنا شايفناها دى عايزك بقى تجيب قلم تسييح وتشبعه رصاص (مافهمتش اللى قولته ) ؟؟ طيب عايزك تجيب قلم b وتبدا تعمل نقط ناعمة اوى ومش واضحك مجرد نقط خفيفة فى كل البرتقالة تمام ؟ ماشى تعالى بقى وهات استيكة فحم او استيكة قلم سنون او قلم حبر ابيض او استيكة بالبطارية ( هلاقى كومنتات تقولى يعنى ايه استيكة بالبطارية) وأبدأ عامل نقط اضاءة بجانب كل نقطة وخصوصا حول منطقتين الاضاءة اللى فى النص تمام افتح الصورة وتخيل اللى قولته وابدأ نفذ فى البرتقالة دة وبعد كدة بشرة الانسان هتكون سهله بالنسبالك يارب تكونوا استفادتوا من البوست #بقلمى |
بورترية بالفحم |
بورترية بالباستيل |
اسكتشات سريعة
اصعب شئ بيقابله اى فنان فى مصر
الازدواجية اه والله تعالوا نشوف :_ 1_ الفنان يسأل ينفع اسيح الرصاص ؟! تلاقى الناس تهاجمه ازاى تسيح لا طبعا اللى بيسيح دة مش بيعرف يرسم ولا يظلل ولا بيفهم حاجة وتلاقى نفس الناس دى منبهره بشعل فنانين عالميين بيسيحوا رصاص عادى جدا وبينزلوا اعمالهم ديما وبيحاولوا كمان يقلدوهم . 2_الفنان يجى يرسم فن عارى الناس تقوله حرام وعيب ومايصحش وهى هى نفس الناس اللى بتطالب بحرية الرسم وبينبهروا برضه بأعمال الاجانب فى الرسم العارى . 3_الفنانين يسعوا انهم يطلعوا اعمالهم واقعية قدر الامكان , تلاقى ناس طالعالهم من البخت يقولولهم لا انت مش فنان انت رسام انت مش بترسم باحساسك انت بتنقل بس . وهما هما نفس الناس اللى بتنبهر بالاعمال الهيبرريالاستك للفنانين الاجانب وبرده بيحاولوا يقلدوهم 4_تلاقى الفنان من دول محترم ولسانه حلو فى جروبه ولسانه يتلف عليه فى الشات وفى بروفيله 5_الفنان يشوف حد بيسرق يقول يا جماعة فولان بيسرق يقولوله انت ازاى تقول كدة ؟ انت بتحقد عليه ؟ انت اساسا تيجى ايه جنبه ؟؟ انت مين انت ابن مين انت تفوه عليك يا كلب وبعدين حتى لو بيسرق وانت ايه اللى مضايقك مع ان نفس الناس لما بتتسرق اعمالهم بيعدوا يلطموا ويولولوا ويلموا الناس ويكشف راسه فى السيده 6_ الفنان بيتجنن لما يلاقى ناس كتير كلامها كتير جدا ومقالات ورغى هنا ورغى هنا ونفس الناس دى مش هتلاقى ليهم اى رسومات , كتر خيرك انك بتساعد الناس طيب انت فين ؟؟ فاقد الشئ لا يعطيه مش هينفع تنصح الناس بحاجة انت عمرك ماجربتها 7_الفنان ينزل صورة من هنا تلاقى الطوب بيتحدف والنقد يخرج من اطار الرسمة للأطار الشخصى وتبدأ الشتايم مع ان نفس الناس دى لما حد بينقدها لازم تبرر كل حاجة هى عملاها ولو ماستلسمتش لرأيهم بتطلع فى الاخر مش بتفهم حاجة وابن ستين فى سبعين #ارتقوا_فالقاع_مزدحم #الكلام_لو_على_مقاسك_البسه |
اللوان زيت
اللوان خشب
|
|
|
ناس كتير سألتنى على درجات لون البشرة
انا هقوم اللى بستخدمهم بس ركزوا معايا 1_ هتروح تشترى علبه الوان 48 فيبر كاسل المائية ب 87 جنيه هتلاقى فيها الدرجات دى : 483 492 418 426 430 432 478 487 476 لو حابب تكمل المجموعة اللى عندى هتجيب اقلام بولى كروم فيبر كاسل القلم الواحد ب 8 جنيه الدرجات دى : 189 184 186 189 190 130 132 لو استفدت من البوست شيره ولو عندك اقتراحات تانية قولها |
|
Click to s
ولا اول مرة
انزل صورة لم ولن تكتمل بعد عشان وانا برسمها قطعتها الكلام دة من حوالى 4 اشهر بس حبيت اعرفكم كلنا بنغلط ولو مافيش تجارب فاشلة يبقى مافيش تطور |
#نصيحه_اليوم
ماتندمش على تجربة ليك فى رسمة وفشلت بس لو هتندم المفروض انك تندم لو ماتعلمتش من التجربة دى تجاربك الفاشلة احسن بكتير من انك تفضل طول عمرك محلك سر بتجرى فى مكانك |
|
بورترية بقلام جاف
|
|