(فن النحت )
يختلف فن النحت باسلوبه عن باقى الفنون فهو لا يتعامل مع الاشكال المسطحة مثل فن التصوير وانما يتضمن اشكالا مجسمة ثلاثية الابعاد
السؤال الذى يتبادر الى الاذهان الان !!
فن النحت حرام !!!
يا جماعة تعالو ندردش فى الموضوع ده شوية !! ايه اللى حرم فن النحت ؟؟ وليه بيتقال عليه حرام ؟؟ احنا مش عارفين ان الاصل فى الاشياء الاباحة ؟ طيب يعنى النحت حلال !! طيب ليه بنحرمه ؟ اقولكم بقى النحت يا جماعة زى اى حاجة فى الدنيا ليها مميزات وليها عيوب او بمعنى اصح ممكن تبقى حلال وممكن تبقى حرام حسب استخدامنا ليها زى التليفزيون كده او الانترنت طيب والنحت حرام امتى ؟ اما انا استخدمه فى حجات حرام اصلا زى مثلا انحت تماثيل للالهه او الاصنام زى ماكان الكفار بيعملو زمان او اما انحت تماثيل عارية مثلا وما شابه ذلك لكن بصو للنحتاية دى ؟؟
! اية اللى حرام فيها ؟؟ مش ده عمل نحتى برضه ؟ نقدر نحرمه ؟! لا طبعا منقدرش لان زى ماقولت الحرام والحلال بيرجع لاستخدام الشخص نفسه اتفقنا؟ وهنا احب اقول معلومة محدش يعرفها اصلا ولا حتى الناس اللى بتقول ان النحت حرام انتو عارفين العربيات ؟ والموبايلات ؟ والاجهزة الكهربائية ؟ عارفين الراديو ؟ طب عارفين الازايز اللى بنشرب فيها ؟ طب عارفين الماوس اللى تحت ايدك ؟ ولا الكى بورد؟ طب عارفين الكيسة ؟ كل الحجات دى اصلا منحوتة !!!! اول ماوس تم صناعته كان منحوت اصلا بايد نحات وبعدين بيتم عمل قوالب من اول نموذج والقوالب دى اللى بتنتج 500000000 الف ماوس بعد كده !! فهمتو الفكرة عاملة ازاى ؟؟