تصميم زخرافى
انا النهاردة هبدأ بحاجة بسيطة اوى وسهلة كتير وجميلة فى نفس الوقت
ودى مجرد تمهيد للدورة
النهاردة هبدأ اعرفكم على حاجة اسمها (تصميم زخرفى )
وببساطة شديدة التصميم هو التعبير بالرسم عن طريق الرمز , باستخدام مساحة معينة ومحددة مسبقا
التصميم اللى هتكلم عنه دلوقتى
هو عبارة عن تصميم هندسى باستخدام اشكال هندسية متنوعة داخل مساحة هندسية محددة !!
يعنى ببساطة اكتر شغلنا هيكون باستخدام مسطرة واشكال هندسية (اللى هى مسطرة اشكال فن )
(وعلى فكرة التصميم ده اللى هشتغله معاكو دلوقتى مدرستهوش, ولكن ده بيدرس فى اعدادى فنون جميلة واللى علمتهولى صحبى .. وانا عجبنى كتير ونظرا لانه سهل وبسيط فى نفس الوقت .. احب ابدا بيه الدورة ..)
تعالو نشرح بقى
دى الادوات اللى هنشتغل بيها
هنحتاج
- اسكتش رسم (يفضل انه يكون ورقه تقيل ومن اشهر الانواع كانسون وفبريانو وبيتباعو فى الفجالة او المكتبات الكبرى __ سعر الاسكتش الربع فرخ الصغير 6ج والنص الكبير 12 ج .. لكن اللى موجود ينفع .. ومحدش يكلف نفسه ..وخصوصا المبتدئين لكن انا حبيت اذكر الاسعار والخامات النضيفة للهواة)
- هنحتاج مسطرة اشكال فن (وللهواة ممكن يشتروا اسطمبة دوائر واشكال هندسية زى اللى فى الصورة .. سعرها 2.75 )
-علبة الوان (اى نوع ) فلوماستر (افضل ماركة بريمو اللى عليها دولفن )او خشب(افضل ماركة فابر كاستيل فى حدود 16ج ال24 لون ) او شمع (اى نوع او ماركة جوفى ).
- قلم رصاص واستيكة .
تابع اقوى دورات فن الرسم .. الدرس الاول ..التصميم الزخرفى
نبدأ على بركة الله
المطلوب تصميم هندسى بسيط فى مساحة 15*20 سم باستخدام عنصر المربع والمستطيل والدائرة وباستخدام ابسط الخامات المتوفرة والالوان المناسبة .
) هنرسم مستطيل مساحتة 15*20 سم
ملحوظة : عشان يطلع المستطيل مظبوط فى الصفحة هنروح لاحدى الاطراف ونحدد بالمسطرة 3 سم فى كل الطرفين ونوصلهم بالمسطرة زى ما هو موضوح فى الصورة (الخط اللى على الشمال )
ومن بداية الخط ده ونهايته نقيس بالمسطرة 20 سم عرض المستطيل وبعدين نرسم خط (اللى على اليمين)
(يبقى احنا كده حددنا عرض المستطيل 20سم )
تابع اقوى دورات فن الرسم .. الدرس الاول ..التصميم الزخرفى
وبعدين هنيجى من احد بداية الخطين ونعلم 3 سم فى اول الخط ونوصلهم ببعض
وبعدين من النقطة الجديدة فى كلا الخطين نحدد 15 سم طول المستطيل!
بكدة نكون حصلنا على مستطيل مظبوط الزوايا !!
او اللى يحب يستخدم مثلثات قائمة الزواية على طول مفيش مشكلة
المهم فى النهاية ان المستطيل يكون مظبوط !
اتمنى تكونو فهمتونى في نص هدومي
تابع اقوى دورات فن الرسم .. الدرس الاول ..التصميم الزخرفى
2) هنمسح الخطوط اللى خارج المستطيل
وبعدين هنقسم المستطيل بالطول والعرض الى مربعات 5 سم (كما هو بالصورة )!!
تابع اقوى دورات فن الرسم .. الدرس الاول ..التصميم الزخرفى
3) المطلوب الان هو توزيع عنصر الدائرة داخل المربعات مع استخدام احجام المربعات المختلفة
كما هو موضوح بالصورة !
(والتوزيع ده بيرجع ليكى انتى على حسب رؤيتك الفنية ولكن انا بس بديلك مثال بسيط )
وكمان عشان نحصل على احجام مختلفة من المربعات هنقوم بتقسم بعض المربعات لاعطاء احجام مختلفة
وده مثال لتصميم بسيط اوى .. وبعد ماننتهى هنقوم بتلوينه هع هع هع باى الوان تحبيها
تابع اقوى دورات فن الرسم .. الدرس الاول ..التصميم الزخرفى
وده جزء من التصميم بعد مالونته بالوان فلومستر ..
تابع اقوى دورات فن الرسم .. الدرس الاول ..التصميم الزخرفى
ملحوظة هامة : تحديد الخطوط باللون الاسود بيعطى شياكة للتصميم !! هع هع هع
وده تصميم زيه بس بالوان خشب فابر كاسيل
تابع اقوى دورات فن الرسم .. الدرس الاول ..التصميم الزخرفى
[IMG]file:///C:/DOCUME%7E1/neso/LOCALS%7E1/Temp/moz-screenshot.png[/IMG][IMG]file:///C:/DOCUME%7E1/neso/LOCALS%7E1/Temp/moz-screenshot-1.png[/IMG][IMG]file:///C:/DOCUME%7E1/neso/LOCALS%7E1/Temp/moz-screenshot-2.png[/IMG]اسفة انا كنت بعملهم كروكى اوى وبسرعة جدا فايدى مكنتش مظبوطة ,ومخلصتهمش كمان .. لكن انتم هتقعدو براحتكم وعلى اقل من مهلكم هع هع هع كمان كنت بستخدم تحديد اسود القلم بتاع السبورة ..وهو كان تخين شوية .. لكن انتم تقدرو تستخدمو اقلام ارفع او اقلام الحبر الجل العادية
ده تصميم كنت عملاه من سنتين كده بالوان جواش .. ونفس الفكرة .. وطبعا لسه مكملش لحد دلوقتى هع هع هع
تابع اقوى دورات فن الرسم .. الدرس الاول ..التصميم الزخرفى
وده واحد زيه برضة وكان اول واحد اعمله اما صحبتى علمتهولى
جواش برضة
تابع اقوى دورات فن الرسم .. الدرس الاول ..التصميم الزخرفى
نفس الفكرة بس مثلثات
تابع اقوى دورات فن الرسم .. الدرس الاول ..التصميم الزخرفى
وده التصميم اللى كنت بخده فى سنة اولى فى كليتى.. هو كان معقد شوية واصعب ..
وده كان مشروعى الكبير مساحة 50*70 الخاص بمادة التصميم فى سنة اولى
ده كان باقلام رابيدو (حبر اسود ) وده قعدت فيه 4 شهور الترم الثانى
بس للاسف الصورة وحشة ومش واضحة خالص
تابع اقوى دورات فن الرسم .. الدرس الاول ..التصميم الزخرفى
بكدة اكون خلصت اول درس تمهيدى
يارب يارب اكون عرفت اشرح دايخة
يارب يكون عجبكم اول درس بسيط
ومستنية اشوف تدريباتكم واى استفسار انا تحت امركم
كمان بعتذر عن الرسوم كانت سريعة بعض الشىء ولكن انا متأكده ان شغلكم هيطلع احلى باذن الله
وكل مرة هيكون فى تطور وهنشتغل حجات اقوى باذن الله
بس قبل ما اسيبكم هقولكم شوية معلومات على السريع بخصوص التصميم الزخرفى :
- فى حاجة اسمها اسس وعناصر التصميم
وهى باختصار شديد
العناصر :اى حاجة بتكون داخل التصميم (زى الخطوط والاشكال كمان الفراغ اللى فى اللوحة نفسها ..)
الاسس : زى التوازن والتباين والايقاع والانسجام ...
دى كلها بتعتبر جماليات العمل الفنى او التصميم اللى بنعمله
وبيقاس قوة وجمال التصميم بتوافر العناصر المكونة له والاسس الفنية
زى الانسجام بين الاشكال
او الانسجام من خلال اللون
بمعنى
الالوان بتنقسم الى :
-الوان باردة : زى الازرق والاخضر والبنفسجى وهما الوان البحر والشجر والسماء
- الوان ساخنة : زى الاحمر والاصفر والبرتقالى وتعتبر الوان نارية بلون النار والدم وهى الوان متوهجة وتتعب النظر لو وجهنا نظرنا ليها لفترة طويلة
- الوان محايدة : زى الابيض والاسود والرماديات
- الوان مكملة :
زى الازرق مكمله البرتقالى
الاصفر مكمله البنفسجى
الاحمر مكمله الاخضر
ودى تعتبر الالوان اللى بتليق على بعض او بينهم تكامل وتباين
عشان نحقق الانسجام فى العمل الفنى
ممكن نحققة من خلال عنصر الون .. بمعنى
لو استخدمت مثلا مجموعه الوان متوافقة زى اللون البرتقالى مع اللبنى
او الاصفر مع البنفسجى
او الالوان المائية زى اللبنى مع الالوان الترابية زى البيج الغامق
كمان اقدر احقق الاتزان من خلال اللون
.. عشان اختار مجموعة لونية لازم يكون فى توافق بين الالوان المستخدمة
يعنى بالاصح اقلل استخدامى للالوان السخنة وازود الالوان الباردة
بنسبة 1 -2
باختصار ان الالوان الباردة تكون اكثر من الالوان السخنة فى العمل الفنى
لان الالوان السخنة بطبيعتها متوهجة لا يتحمل النظر اليها لفترة طويلة .. لذلك لازم يكون وجودها داخل العمل الفنى محدود وبنسبة اقل من الالوان الباردة
احب اتوقف لحد كده دلوقتى